உக்கடம் அருகே காரில் இருந்த சிலிண்டர் வெடித்து ஒருவர் உயிரிழப்பு!!755950644
உக்கடம் அருகே காரில் இருந்த சிலிண்டர் வெடித்து ஒருவர் உயிரிழப்பு!!
கோவையில் காரில் இருந்த சிலிண்டர் வெடித்து ஏற்பட்ட விபத்தில் ஒருவர் உயிரிழந்துள்ளார். கோவை மாவட்டத்தில் இன்று அதிகாலையில் உக்கடம் கோட்டை ஈஸ்வரன் கோயில் அருகே, சாலையில் சென்று கொண்டிருந்த கார் ஒன்று வெடித்து சிதறியது.
இது தொடர்பாக போலீசார் மேற்கொண்ட முதற்கட்ட விசாரணையில், காருக்கான எரிபொருள் சிலிண்டரில் ஏற்பட்ட கசிவு காரணமாக சிலிண்டர் வெடித்ததில் இந்த பயங்கர விபத்து ஏற்பட்டுள்ளது. வேகத்தடையில் கார் ஏறி, இறங்கிய போது இந்த விபத்து ஏற்பட்டதாக தெரிய வந்துள்ளது.
தொடர்ந்து கார் வெடித்ததில் அந்த பகுதியில் தீ பரவியது. இதையடுத்து சம்பவ இடத்திற்கு விரைந்த தீயணைப்புத் துறையினர் தீயை அணைத்தனர். தற்போது போலீசார் அந்த பகுதியில் உள்ள சிசிடிவி காட்சிகளை ஆய்வு செய்து விசாரணை மேற்கொண்டு வருகின்றனர்.
Comments
Post a Comment